Ամառային ճամբարը շարունակվում է և հետաքրքր ժամանցը նույնպես: Ճամբարի երկրորդ շաբաթվա երրորդ օրը սկսվեց առավոտյան պարապունքով, այնուհետև մեն գնացինք երգի սենյակ: Երգի դասաժամին շատ հետաքրքիր երգեր երգեցինք, ի դեպ նշեմ, որ այդ երգերը Իզմիրյան խումբը պետք է ներկայացներ Իզմիրում և մենք նրանց հետ սովորեցինք այդ երգերը: Ինչպես արդեն գիտեք այսօր Բնության պահպանության օրն է և մեր ամբողջ կրթահամալիրը այդ օրվա կապակցությամբ խնամում էր բնությունը և մաքրում աղբը և մենք իհարկե միացնաք այդ աշխատանքին: Մեր ջոկատի մի մասը օգնում էր աղբը մաքրել մյուս մասը ջրում և խնամում էր բույսերը: Բույսերը խնամելուց և ջրելուց հետո մենք վերադարձանք մեր լաբորատորիա: Սովորողները շարունակում էին զբաղվել ֆիզիկայով և քիմիայով, լուծել խնդիրներ, բացթողումները լրացնել, պատումները ավարտել: Շատ կարևոր հանգամանք է այն, որ ճամբարի ընթացքում բացի խաղերից և զվարճանքից կա նաև հնարավորություն, որպեսզի խնդիրներ լուծես, այն ինչ չես հասկացել, ուսուցիչներիդ հետ միասին քննարկես, մի խոսքով մեր ջոկատում հետաքրքրությունը, գիտելիքը և տեղեկության ստացումը միավորված են՝երկուսը մեկում: Այս ամենից հետո մենք գնացինք ընդմիջման: Մի փոքր ընդմիջելուց հետո կրկին վերադարձանք մեր լաբորատորիա և կրկնեցինք մեր անցած թեմաները, այն ինչ չէինք հիշում միասին վերհիշեցինք…Այսպես այս ճամբարային օրն էլ ավարտին հասավ…
Անի Արղության 